همسة في إذن صحتك (سعر صحتك في سعر وجبتك) | د. رويدة ادريس
14 أكتوبر 2017
4
289

لفت نظري اليوم تعليق على احدى صفحات مراكز الوجبات الصحية عاملين عرض ٥٠٠ ريال على اشتراك ٧ أيام ل وجبات فطور غدا عشا سلطة شوربة حلا عصير. بس ب ٥٠٠ ريال تخيلو طبعا احدى التعليقات الي لفتت نظري كانت (وين٥٠٠ ريال ع أساس ترسلون لنا ذهب؟ كله شوية رز و سلطة)شوية رز و سلطة على اساس اصحاب المركز بيجيبو مكونات الوجبات مجانا ولا الموظفين الي عندهم بيشتغلو لوجه الله ولا المكان الي فاتحين فيه ماله تكلفة.
المهم تلاقي الشخص المعترض هو نفسه الي بيدفع ال ٥٠٠ هذه في احدى المطاعم على وجبة كلها ضرر و ارجيلة و عصير.
المعذرة اذا كاسة عصير الليمون في اي مطعم ٤ نجوم سعرها ما يقل عن ١٣ ريال
المهم تعالو نحسبها سوا في معادلة بسيطة خلينا نسميها معادلة الصحة:
مثلا خلينا ناخد سعر ارخص مركز يقدم وجبات صحية. خلينا نقول ال ٤ أسابيع ب ١٦٠٠ ريال
لو حسبنا قيمة زيارة اخصائي التغذية و فتح الملف و جلسة استفسار ساعة ب ٢٠٠ ريال الزيارة من غير التحاليل ولا العلاجات الي بيصر عليها كثير من الناس و يدفعوا عليها مبالغ للسيطرة على الشهية و حرق الدهون.
طيب لو حسبنا توصيل يومي على مدى ٢٨ يوم خلينا نقول متوسط سعر المشوار اليومي ب ١٥ ريال طبعا هذا اقرب مشوار حيطلع السعر في ٤ اسابيع=٤٢٠ ريال
٨٤ وجبة اساسية
١٤٠ وجبة خفيفة
=٢٢٤وجبة
منتجات حليب ٢٨ريال
مكسرات ٦٠ ريال
حلى ٥٦ ريال
سلطة ٨٤ريال
فاكهة ١٠٠ريال
١٣٣٢
قيمة الوجبة ١٦ ريال
١+٢+٣+٣+٣،٥=١٢،٥
معادلة المرض
سعر الوجبات الخفيفة
مشروب غازي ٢ ريال
كباتشينو ٧ ريال
قطعة كيك ٥ ريال
وجبة سريعة مليئة ب الدهون ١٠ ريال اقل شيء
يعني ٣ وجبات اساسية ٣٠ ريال
٢ مشروب غازي ٤ ريال
٢ قهوة ١٤ ريال
حلى ٥ ريال
المجموع ٥٣ في اليوم =١٤٨٤ريال في ٤ اسابيع. هذا بدون حساب تكلفة بانزين و معاناة صحية ينتج عنها شنطة ادوية و زيارات دكاترة اقل زيارة ٢٠٠ ريال كشفية.
اضرار صحية
دهون عالية سمنة اكتئاب و اكثر لا و هذا كمان ما حسبنا تكلفة الوجبة على المركز و الرواتب و كمان الوقت حق العاملين في المراكز الي دوامهم طول ما هم صاحيين علشان المستهلك عندنا ما يعترف بشيء اسمه انتهى الدوام ل ان يفكر ان اشترى الموظفين و الشركة بمجرد اشتراكه.
المهم طبعا نفس الشخص الي يجادل بسعر اشتراك الوجبات الصحية هو نفسه الي ممكن يصرف قيمة اشتراك شهر في خرجتين نهاية الاسبوع على كل ما هو ضرر و خراب و هو مبسوط و مستانس !!

بقلم : د. رويدة نهاد ادريس


4 ردود على “همسة في إذن صحتك (سعر صحتك في سعر وجبتك) | د. رويدة ادريس”

  1. يقول د/ ظلال محمود رضا:

    فيه ناس للاسف تحب تستعرض (فهمها الواسع في كله – ولو باحباط غيرها في اي عمل ! دول بيلفتوا نظر وهم عندهم قصور نظر ! ماكلفوا انفسهم دراسة اي وضع قبل قذفه بكلمات فيها اقلال او اتهام ! زي الناس اللي تعطي بقشيش مية ريال على فاتورة تعدي الالف قدام الغير بينما يبحثوا عن الريال لاعطائه لمعدم في موقف لايراهم فيه سوى الله ! الناس دي لازم تتقي الله ..

  2. يقول Mosaad Hamamo:

    دائما الإنسان يصرف على الترف والرفاهية بدون حساب ولكن عند إعطاء الحقوق لأصحابها يكن حريص جدا ويعمل نفسه ذكى وما يدفع ولازم يكون متعب للمتعاملين معه فهو نفس اللى بيحصل تجد شخص عنده شركة وعنده موظفين ومأخر عنهم الرواتب وكل شوية رايح فرنسا اوغيرهايصرف أقل شىء 200 ألف على الترف والبزخ والمفاخرة الكاذبة فكذلك الحال حتى يتعامل مع صحته بنفس المنطق

  3. يقول عبدالرحمن البكيري:

    كلامك صحيح يا دكتورة اغلب البشر يصرف على اشياء الترف والرفاهية بلا كلل او ملل وعند اعطاء الناس حقوقها تجده لا يكترث ولا يهتم في اعطاء الاجير اجرته

  4. يقول Samiabahaziq:

    صراحه اليوم رحتلهم في العيادة وشفت منيو الأكل ماشاءالله انواع واشكال الوجبات الرئيسيه لدرجة تحتاري غير السناكسات وكمان مع التوصيل وكله دا لمصلحة جسدي انا ..وحقيقي اشكركم لمعاملتكم الراقيه معي انا وابنتي ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

منطقة الاعضاء

قناة شبكة الاعلام السعودي

تابعنا على الفيس بوك

جميع الحقوق محفوظه لـصحيفة شبكة الاعلام السعودي 2016 , تصميم واستضافة مؤسسة الابداع الرقمي